კომპანია „ლისი დეველოპმენტმა“ ჰოლანდიის განვითარების ბანკისგან 12 მილიონი აშშ დოლარის ოდენობის სესხი მიიღო. სასესხო ხელშეკრულებას ხელი დღეს  „ლისი დეველოპმენტის“ გენერალურმა დირექტორმა ნოდარ ადეიშვილმა და FMO-ს საინვესტიციო ოფიცერმა, ეიუინ თიქენსმა მოაწერეს. ნოდარ ადეიშვილის თქმით, ფინანსური რესურსი მთლიანად პროექტის "მწვანე ქალაქი ლისზე" განვითარებას და ახალი ტექნოლოგიებისა და ენერგოეფექტური სისტემების დანერგვას მოხმარდება.